Hamingjuhornið á Karolina Fund

Kæru vinir!

 

Ég hef lengi alið með mér þann draum að skrifa bók. Ekki hef ég nú alltaf verið viss um hvernig sú bók ætti að vera en veit bara að þegar ég skrifa þá gerist eitthvað ótrúlega skemmtilegt innra með mér og ekki er nú verra að ég hef bara oft frá einhverju að segja. Pistlaskrif mín í gegnum árin hafa skilað mér svo mörgu því fyrir utan að hafa kynnst fjöldanum af fólki þá hef ég fengið tækifæri til að fjalla um hin ýmsu málefni tengd pistlunum mínum, á námskeiðum, fyrirlestrum og í útvarpi.

 

Þegar ég settist niður í sumarfríinu með bókahugmyndina enn eina ferðina ofarlega í kollinum laust niður eldingu (í alvörunni) og ég sagði við sjálfa mig; bókin er komin! Ég á gríðarlega mikið af efni úr Hamingjuhorninu sem mig langar nú að gera aðgengilegt og þess vegna er ég komin á Karolina Fund. Ég ætla að fjármagna þetta verkefni mitt með hópsöfnun og vona að með því geti ég gefið út fallega, eigulega og aðgengilega bók sem er hægt að grípa í þegar vöntun er á hvatningu, leiðbeiningum, hlátri eða speglun. Bókin mun heita – Hamingjuhornið – það sem ég hef lært!

 

Þætti ótrúlega vænt um að fá ykkar stuðning og eins og alltaf er ég brjálæðislega bjartsýn og hlakka til að halda útgáfupartý með hamingjubúbblum áður en langt um líður!!

 

Kærleiks Karolinukveðja,

 

Anna Lóa