Bókin er komin!
Það sem ég hef lært – bókin sem vildi verða skrifuð, er komin út. Langar að þakka öllum sem hafa stutt mig í þessu skemmtilega ferli. Ég er þakklát og þrátt fyrir að vera bjartsýn svona að eðlisfari þá átti ég ekki von á þessum frábæru móttökum.
Ef þú vilt eintak þarftu bara að smella á hnappinn hér fyrir neðan!
Höfundur
Anna Lóa Ólafsdóttir
Ég er fædd í Reykjavík 1. nóvember 1964 og er móðir tveggja ungra manna (1987 og 1992). Ég er menntuð sem grunnskólakennari, náms- og starfsráðgjafi frá HÍ og lauk diplómanámi á meistarastigi í sálgæslu sem er samstarfsverkefni EHÍ og Guðfræðideildar HÍ.
Ég hef mikinn áhuga á öllu sem viðkemur manneskjunni og hef starfað sem ráðgjafi, kennari, atvinnulífstengill og fyrirlesari síðustu ár og samhliða þessu hef ég skrifað pistla í Hamingjuhorninu síðan árið 2011. Ég trúi því að þó að skrif mín komi eingöngu til með að hreyfa við nokkrum manneskjum þá sé markmiði mínu náð því það getur jú alveg haft margfeldisáhrif. Við breytum engum nema okkur sjálfum en getum haft jákvæð áhrif á fólkið í kringum okkur.
Ég er alltaf að læra og er því opin fyrir hugmyndum og ábendingum ykkar varðandi uppbyggilegt efni.
